Kuanza vita vya kiuchumi baina ya Marekani na China

Gazeti la The Hill linalochapishwa nchini Marekani limeandika habari za kuanza vita vya kiuchumi baina ya nchi hiyo na China. Gazeti hilo limeandika kuwa, Washington inapanga mikakati ya kutiliana saini na nchi za Umoja wa Ulaya na zile zilizopo pambizoni mwa bahari ya Pasifiki ya kuzuia nguvu za kiuchumi za China. Msemaji wa Ofisi ya mwakilishi wa Marekani katika Shirika la Biashara Duniani ameliambia gazeti hilo kwamba makubaliano hayo ya pamoja kati ya Marekani na Umoja wa Ulaya ni hatua ya pamoja ya kukabiliana na wahka uliokuwa nazo nchi hizo kuhusiana na masuala ya biashara ulimwenguni. Imeelezwa kuwa, Marekani imeamua kuchukua uamuzi huo kwa hofu kwamba nguvu na satua zake za kiuchumi zinazopungua siku hadi siku zitachukuliwa na China. Wakati huohuo, China nayo imeeleza kuwa, mikakati ya Marekani ya kuleta mabadiliko kwenye sheria za ndani nchini humo, imegonga mwamba. Hii ni katika hali ambayo, Kongresi na Ikulu ya Marekani kwa pamoja zinafanya juhudi za kufanya miamala mikubwa ya kiuchumi ambayo inahofiwa kuzusha vita vya kiuchumi kati ya nchi hiyo na China katika miaka ijayo.

Video inayoonesha gaidi wa Syria akikiri kuvunja misikiti ya Ahlu Sunna

 

Ingia chini ya habari hii kuona video inayomuonesha kijana wa Kitunisia ambaye hivi karibuni amerejea nchini Tunisia  akitokea Syria ambako alikuwa akipambana bega kwa bega na makundi ya kigaidi nchini humo.

Kijana huyo amesema kuwa moja ya majukumu yao nchini Syria lilikuwa ni kubomoa Misikiti ya Waislamu wa Madhehebu ya Ahlul Sunna na hasa misikiti iliyokuwa na majina ya makhalifa au Bibi Aysha, na kisha kulitupia lawama jeshi la Syria ya kuharibu misikiti hiyo.

Abu Qusway ameongeza kuwa, mkakati huo ulifanyika kwa shabaha ya kuwakasirisha wanajeshi hao ambao wengi wao ni Masuni ili wajitenge na serikali ya Syria. Ameongeza kuwa, wanawake waliopelekwa Syria kutoka nchi za Kaskazini mwa Afrika walikuwa na jukumu la kuwapiga risasi wanajeshi na raia kwa kuvizia.

Kijana huyo wa Tunisia ameiambia Televisheni ya al Mayadin kuwa, alichukua maamuzi ya kuwauwa wapiganaji wenzake ili aweze kurejea nchini Tunisia kwa uhuru kamili, kinyume cha hivyo asingeliweza kuruhusiwa kurudi. Kijana huyo amesema kuwa, nchi za Qatar, Saudi Arabia Uturuki na nchi nyingine za Magharibi zimekuwa zikitoa misaada ya kisilaha, kifedha na kilojistiki kwa makundi ya kigaidi nchini Syria.bonyeza hapa kuangaia.>>http://kiswahili.irib.ir/habari/mchanganyiko/item/38880-video-inayoonesha-gaidi-wa-syria-akikiri-kuvunja-misikiti-ya-ahlu-sunna